53 ມາດຕາ 53 ສິດ ແລະ ໜ້າທີ່ ຂອງການຈັດຕັ້ງສັງຄົມຂອງຄົນພິການ

ການຈັດຕັ້ງສັງຄົມຂອງຄົນພິການ ມີ ສິດ ແລະ ໜ້າທີ່ ດັ່ງນີ້:

1.            ສ້າງແຜນການເຄື່ອນໄຫວຂອງຕົນ ໃນແຕ່ລະໄລຍະ ໂດຍມີການປະສານສົມທົບກັບ ອົງການຄຸ້ມຄອງວຽກງານຄົນພິການ, ກະຊວງ, ອົງການ, ອົງການປົກຄອງທ້ອງຖິ່ນ ແລະ ພາກສ່ວນອື່ນທີ່ກ່ຽວຂ້ອງ;

2.            ຊຸກຍູ້, ສົ່ງເສີມ ວຽກງານຄົນພິການໃຫ້ມີການຂະຫຍາຍຕົວ, ມີຄວາມສະດວກ, ວ່ອງໄວ ແລະ ມີປະສິດທິຜົນ;

3.            ຄົ້ນຄວ້າວິທີການ, ປະສານສົມທົບ, ຕິດຕາມ ແລະ ແກ້ໄຂບັນຫາ ທີ່ເປັນອຸປະສັກໃຫ້ແກ່ການ ເຄື່ອນໄຫວວຽກງານຄົນພິການ;

4.            ພົວພັນ ແລະ ຮ່ວມມືກັບ ຕ່າງປະເທດ, ພາກພື້ນ ແລະ ສາກົນ ກ່ຽວກັບການເຄື່ອນໄຫວວຽກງານຂອງຕົນ ຕາມການມອບໝາຍ;

5.            ປະເມີນຜົນ, ສະຫຼຸບ ແລະ ລາຍງານ ການຈັດຕັ້ງປະຕິບັດວຽກງານຄົນພິການ ຕໍ່ອົງການຄຸ້ມຄອງ     ວຽກງານຄົນພິການ ຢ່າງເປັນປົກກະຕິ; 

6.            ນຳໃຊ້ສິດ ແລະ ປະຕິບັດໜ້າທີ່ອື່ນ ຕາມທີ່ໄດ້ກຳນົດໄວ້ໃນກົດໝາຍ ແລະ ຕາມການມອບໝາຍ.