27 ພາກທີ IV ການປົກປ້ອງ ແລະ ພັດທະນາ ຄົນພິການ ໝວດທີ 1 ການປ້ອງກັນບໍ່ໃຫ້ເກີດຄວາມພິການ, ການປິ່ນປົວ ແລະ ການຟື້ນຟູສຸຂະພາບ ມາດຕາ 27 ການປ້ອງກັນບໍ່ໃຫ້ເກີດຄວາມພິການ

ການປ້ອງກັນບໍ່ໃຫ້ເກີດຄວາມພິການ ແມ່ນ ຂະບວນການເຄື່ອນໄຫວ ເພື່ອບໍ່ໃຫ້ເກີດຄວາມພິການໂດຍ ກຳເນີດ, ພະຍາດ, ອຸບປະຕິເຫດ ຫຼື ສາເຫດອື່ນ.

ການປ້ອງກັນບໍ່ໃຫ້ເກີດຄວາມພິການ ໃຫ້ປະຕິບັດ ດັ່ງນີ້:

1.            ໂຄສະນາປູກຈິດສຳນຶກກ່ຽວກັບການປ້ອງກັນບໍ່ໃຫ້ເກີດຄວາມພິການ;

2.            ໃຫ້ການແນະນຳ ແລະ ເບິ່ງແຍງທາງການແພດ ເປັນຕົ້ນ ກ່ອນຖືພາ, ກໍາລັງຖືພາ, ອອກລູກ ແລະ ຫຼັງອອກລູກ;

3.            ໃຫ້ວັກຊີນກັນພະຍາດ;

4.            ປະຕິບັດນະໂຍບາຍໂພຊະນາການ ເພື່ອຄວາມຈະເລີນເຕີບໂຕຂອງເດັກ;

5.            ປິ່ນປົວ ແລະ ຟື້ນຟູສຸຂະພາບ ໃຫ້ຖືກຕ້ອງ, ທັນເວລາ;

6.            ປ້ອງກັນບໍ່ໃຫ້ເກີດ ອຸບປະຕິເຫດຕາມເສັ້ນທາງ, ອຸບປະຕິເຫດແຮງງານ, ອຸບປະຕິເຫດຈາກລະເບີດບໍ່ທັນແຕກ ແລະ ອຸບປະຕິເຫດອື່ນ.